7 хоногийн арилжааны мэдээ

Хөрөнгийн биржийн арилжаа

Монголын хөрөнгийн биржд өнгөрсөн долоо хоногт нийт 7 тэрбум төгрөг-ийн үнийн дүн бүхий 5.7 сая ширхэг үнэт цаас арилжаалагджээ.

Хамгийн идэвхтэй арилжаалагдсан компаниуд: Хас Банк, Инвескор ББСБ, Хаан банк, Монголын хөрөнгийн бирж, Эрдэнэ Ресурс Девелопмент Корпорэйшн

Багцын арилжаа хийгдээгүй болно.

Инфляцийн өсөлт

2025 оны 2-р сард нийслэлийн инфляц 10.3%-д хүрч, улсын хэмжээнд 9.6% болохыг ҮОСХ мэдээлэв.

Инфляцад бараа, үйлчилгээний үнийн өсөлтийн оролцоо

Инфляцын бүтэц (2024 vs 2025 оны 2-р сар)

Хүнсний бараа, ундаа, ус:
2024 оны 2-р сард: 41.8%
2025 оны 2-р сард: 26.7%

Орон сууц, ус, цахилгаан, түлш:
2024 онд голлох нөлөө үзүүлээгүй
2025 оны 2-р сард: 22%

Импортын барааны оролцоо:
2024 оны 2-р сард: 29.7%
2025 оны 2-р сард: 27.4%

Дүгнэлт: Импортын барааны үнийн өсөлт буурч, дотоодын бараа, үйлчилгээний үнэ өсөх хандлагатай байна.

СЗХ ББСБ-уудын зээлийг чангарууллаа

Хэрэглээний зээлийн өр, орлогын харьцаа 70%-аас 60%
Суудлын автомашины зээлийн харьцаа 70%-аас 60% болгож чангаруулжээ.

Энэхүү шийдвэр нь өрхийн санхүүгийн тогтвортой байдлыг дэмжиж, худалдан авах чадварыг сайжруулахын зэрэгцээ ББСБ-уудын эрсдэл даах чадварыг нэмэгдүүлэхэд чиглэж байна. Мөн итгэлцлийн үйлчилгээ, бонд болон бусад эх үүсвэрийн зохистой харьцааг шинэчлэн тогтоосон болно.

ТОП-20 индексийн өөрчлөлт

“Богд Банк” ХК ТОП-20 индексоос хасагдаж, “Инновейшн Инвестмент” ХК (QPay) нэмэгджээ.

ТОП-20 ИНДЕКСИЙН ӨӨРЧЛӨЛТ:
2025.03.17 (Даваа): 54,018.32
2025.03.21 (Баасан): 51,635.48 → 4.4%-иар буурсан

Ханш өссөн компаниуд:
Хас Банк ХК (+3.22%)
Түмэн Шувуут ХК (+3.12%)
Инвескор ББСБ ХК (+2.9%)

Ханш хамгийн их унасан компаниуд:
Монголын хөрөнгийн бирж ХК (-8.5%)
Ард санхүүгийн нэгдэл ХК (-2.8%)
Монгол шуудан ХК (-2.8%)

Ногдол ашгийн бүртгэлийн дараах уналт:
Газар шим ХК (-4%)
Дархан нэхий ХК (-13.3%)
ЛэндМН ББСБ ХК (-10.2%)
Сэндли ББСБ ХК (-14.4%)

Ирэх долоо хоногт бүртгэлийн өдөр нь тохиох компаниуд:
Голомт Банк ХК – 95₮ (2025.03.26)
Сүү ХК – 3.26₮ (2025.03.28)
Тахь-ко ХК – 102.6₮ (2025.03.28)

Бүртгэлийн өдөр нь болоогүй олон компани байгаа тул ТОП-20 индексийн уналт үргэлжлэх эрсдэлтэй байна.

Английн Төв банк бодлогын хүүгээ хэвээр үлдээлээ

2025.03.20-нд Английн Төв Банк (BoE) бодлогын хүүгээ 4.5%-д тогтвортой барихаар шийдвэрлэв.

Шийдвэрийн үндэслэл:
– Дэлхийн эдийн засгийн тогтворгүй байдал
– Худалдааны хурцадмал нөхцөл
– Татварын өсөлт
– Хөдөлмөрийн зах зээлийн уналт

Энэхүү шийдвэр нь эдийн засгийн өсөлтийг дэмжихийн зэрэгцээ инфляцыг хянах зорилготой.

BYD-ын 5 минут цэнэглэдэг шинэ цэнэглэгч

BYD компани 10С хэт хурдан цэнэглэх технологио танилцууллаа. Энэхүү 1000 кВт хүчин чадалтай систем нь 2025 оны 4-р сард гарах Han L болон Tang L загваруудад анх нэвтрэх бөгөөд 5 минут цэнэглээд 400 км явах боломжтой.

Хувьцааны өсөлт

Мэдээлэл гарсны дараа BYD-ийн хувьцаа:
Хонг Конг: +6% (408.80 HKD)
Шенжэнь: +2%
Зах зээлийн үнэлгээ: 162 тэрбум USD – Ford, GM, Volkswagen-ийн нийлбэрээс өндөр.